Proverbs
म्हणी
- अधिरेक जाल्यारि अमृतय वीष
- अन्यायाक कुन्यायु
- अपराध करनातिल्याक भय ना
- अभ्यासु केल्यारि हस्तेकय उबारयात
- अर्द भोरलोलो कोळसो हालचो चड
- अर्द माड्यार चडून हातु सोडचें न्हय
- अल्प ज्ञान अपायकर
- अल्पायुष्यांक बुद्धि चडि
- आंग गोरें म्हुण सावळी गोरी वे
- आंग तिमयल्यार नंतणा मासळी धरूक जायना
- आंगण चोयल्यारि घरा लक्षण
- आंबो वोयल्यारि चींचि जायना
- आंब्या कालारि फतोरु पडल्यारीय आंबोच
- आंब्या रुकाक फातोरु मारचें चड
- आक उडता म्हुण पाक उडूक गेल्यार खाणींतु (वा गोबरा राशीर) पडतलें
- आकुळेली गाय अप्पय भटाक
- आचार चलयतल्यांक विचारु ऊणे
- आजि आशिल्लो फाय ना
- आजि एक मेळचें फाय दोनि मेळचा पशी चांग
- आजि कोरचें फायक दवोरनये अथवा आजीचें काम फाय म्हुण दवरनाका
- आजि मेल्यारि फाय दोनि
- आजि रडलोलो फाय हासतलो
- आज्यान वोयिलो रूकु म्हुण गळपास घेंवचें वे?
- आपण गाढव जाल्यारि दुशेर्यानी फाटीर बेसल्यारि कित्या कोपचें
- आपण बुडता, दुसर्यांकय बुडयता
- आपण मेल्यारि आपणाक मोक्षु
- आपण शेण खावनु दुसर्याले तोंडाक हातु पुशीता
- आपण्यालि फाटि आपण थापटायता
- आपण्याली जीब, आपण्याले दांतांनी चाबल्यारि कोणाक कोपूचें
- आपण्याले जांगेरि दोरी विणल्यारि दुकी कळता
- आपण्याले पाया पोंदाचें कूवाळें विसरून दुशेर्यांले पाया पोंदाचें सासम सोदीता
- आपण्याले हाताक कूलि ना
- आपण्यालें कार्य महा कार्य, दुशेर्यांलें काजू बी
- आपण्यालें विसरता, दुशेर्यांलें उलयता
- आपत्कालाक पांवचो खरो मित्र
- आपे खांवका किं खण्णां मोवंका/मेजुका?
- आबोन दिल्लेलें ओकद घुटू करका
- आयचो भिकमागरी फायचो रायु
- आयचो रायु फायचो भिक्षु
- आयु पळोवनु वेचु करी अथवा आदायु पळोवनु खर्चु करी
- आयुष्य आसा जाल्यारि नांकारि फातोरु घाल्यारीय मोरना
- आयेलो तेरावो म्हणूय जालो, घारी खेल्ली म्हणूय जाली
- आळस्याक दीसु सरना, कष्ट काडतल्याक रातीय पावना
- आळस्याक बिकंड भाजि म्हळ्यारि हरवेंच गोड म्हणता
- आवय वाणा (अथवा वाडना) जेवण, बाप्पै सोणा (अथवा सोडना) मागूक
- आवयेक पळोवनु धूवेक व्हर, दूद पळोवनु म्हशीक व्हर
- आवसु नातिल्लें चेरडूं पोटारें
- आवसु पळयता पोट, बायल पळयता मोट
- आवाळे विकून मेळ्ळेले दुड्ड खोरजु खायनाय
- आवाळो दीवनु कुवाळें घेवप
- आशा म्हांतारी जायना
- आशिल्या चेरडाक ना गति, आनीक जावंच्याक तुळाभारु
- आशिल्यांक आशा चडि
- आशे खेल्लेलें ताळ्यांतु येता
- आसा कांबळि खाता शीं, ना कांबळि भित्ता शीं
- आसा जाल्यार गोकळाष्टमि, ना जालयार विनाचवति अथवा आसा जाल्यारि आष्टमि, ना जाल्यारि एकादशि
- उजो नातिल्लें धुवोरु ना
- उडिदु फुगल्यारि मद्दाळें जाता वे
- उदकांतु राबून मासळे लागी वैरि करप
- उदकाकय रगत घटि
- उदकार मारल्यार दोनि जायना
- उद्धारि पडून थू केल्यारि हर्द्यारि
- उमती पडल्यारीय नांक ऊंचच
- उमते कोळस्यार उदाक
- उलयलेलें वरता केल्लेलें/मारलेलें विसरता
- उशीण्या ब्यारु उष्णाक कारण
- उष्टे वार्यार नंतणा पान उडवप ना
- उष्ट्या फोंडावेले पानांक सूणीं झगडताय
- एक आव्यांतुलीं आयदनां, एक वता दुदाक, एक वता मासळेक
- एक उतरान मोळ्ळेलें (अथवा मोडलेलें) मन धा उतरांनी समकी जायना
- एक कानान आयकिल्लें आनीयेक कानान सोडका
- एक काम चांग जावनु करका जाल्यार आपणानच करका
- एक कोपान बांयतु उडकी मारल्यारि शें कोपानय उंचारि येंवचाक जावुन्ना
- एक खतखत्यान कूळीतु शिजुन्ना
- एक दुडवाचें सरक व्हांवचाक दोन दुड्ड
- एक दोषान मोंचूव बुडता, एक कीटीन घर जळता
- एक पेट्टाक दोनि कुटके
- एक फट्येक धा फटीयो
- एक भरतेक एकि सुक्ति, एक पुनवेक एकि उम्मास
- एक रातीन फालें जायना
- एक सोराची मणी
- एक हातान ताळियो वाजूक जावन्ना
- एक हातान दिवंचें आनी एक हातान आयकूनये
- एकु कालु मांयचो जाल्यार एकु सुन्नेचो
- एकु सांकोवु घाल्यार अळतांतूय पेळतांतूय जांवका
- ओतून गेल्लेलें दूद कृष्णाक अर्पण
- कपलांतुलें अथवा कपला बरो पुसल्यार वचना
- कपालांतु नातिल्याक कोंकून घाल्यारीय वोंकून वता
- करटे इंगाळो सरी ओस्तु न्हय स्वभावु तोलूक
- करटें कांतल्यारि सोयी मेळना
- करटें हातांतु काडची बुद्धी
- करट्या उदाक तांय मुयेक समुद्रु
- करतल्लो चड उलयना, उलयतल्लो चड करना
- करता आसतना रड, खाता आसतना गोड
- करू नज आशिल्लें केल्यारि जावू नज आशिल्लें जातलें
- कर्म तकीत फल
- कळंबेलेल्या वाट्यांतु ताका शीत वाडलेली संगती
- कळनातिल्याक सांगुयात, कळतल्याक कितें सांगूचें
- कवडा खिळियेक तांय कान आसाय
- कस्तूरी धांपून दवरल्यारीय पोरमोळु निपता वे
- कांटो वोयल्यारि रिते पायानी चमकूक जावन्ना
- कांट्यान कांटो काडका
- काजु/खाजुरु पिकतरि कायळ्या तोंडाक रूं
- काडिये घराक आंगस्या माड
- काना पाळी आनी पोटा नाळी वाडोंवचे इतली वाडतली
- कामा तकीत दाम
- कायलीवेले पोळ्याक कायलातोच जाय
- कायळेक तिगेल्लीं पिल्लां चंद
- कायळो उडलो म्हुण पाक उडता
- कायळो गोपरारि बेसलो म्हुण घोणी जायना
- कायळो न्हाल्यार ढोंक जाता वे
- कायळ्या दोळो तवश्या मिड्येर
- कारया रुकाक बोर जाता वे
- कारातें सकरेंतु घाल्यारीय कोडूच
- कार्या बी दुदांतु भाजिल्यारीय कोडूच
- काळें म्हुण कीट न्हय, धवें म्हुण पीट न्हय
- किरांगुळे बोट सुजल्यार कितलें सुजत
- कुंकड खेल्लेल्या मात्यार पाक
- कुंकडान रडल्यार फालें जायना
- कुंडो खेल्लेले तोंडान मांडो खावयात, मांडो खेलेले तोंडान कुंडो खावनये
- कुरडो मागता एकु दोळो, देवु दिता दोनि
- कुरड्यांतु काणसो रायु
- कुरड्याक चाळीसपत्र कित्याक
- कुरड्याक राति इतें फालें इतें
- कुरड्याली दिवटी अथवा कुरड्या हातांतु दीवो
- कुराडीचो दांडो कुळाक नाशु
- कुल गोत्र ऊणे जाल्यारीय मल मूत्र ऊणे न्हय
- कुल्ले पळोवनु माणायी आनी तोंड पळोवनु पोळे
- कुवाळेक कूवाळें जड न्हय
- कुसल्या शिताक करपल्ली ओडी
- कुसल्लें बोट कातोरनु उडोंवका
- केल्लेलें कर्म फाटि घेता
- केल्लेलें खांवका, आयिल्लें भोगुका
- केळि वचून कांट्येरि पडल्यारीय कांटी वचून केळीर पडल्यारीय नाशु केळीकच
- केळीं खातल्याक तोंड दुकता वे?
- खाक्यांतुलें पडूकय नज, फळ्यावेलें काडूकायी
- खाडाक उजो लागल्ले वेळार हापोळु भाजूक वता
- खाता अथवा मेळता तशीच आशा चडि
- खालटाकडे उदाक धांवता
- खावंचें घोवाचें, घेवंचें मींडाचें
- खावूक जेवूक आसा जाल्यार सोयरे खूब
- खेत्रपाळा मात्यार खरवडा पेट्ट
- खोंचून उलोवंचाकय चांग वेंचून उलोवंचें
- खोट्टो वचून भट्टिये लागी सांगता
- गरुडाले गावांतु नागर पंचमि
- गाढव शींग हाडूक गेल्लें, कान कवोळनु आयलें
- गाढवा कानांतु वेद आयकयल्या वरी
- गाढवाक घासल्यार घोडो जाता वे
- गायक मारनु व्हाणो दान दिंवचें
- गायचे वासराचे लागी पडल्यारि तण खाता, सूण्या पेट्या लागी पडल्यारि गू खाता
- गावांतुलो वीरु, बायले मुकारि भीरु
- गेलोलो मानु आनी मेलोलो मनीषु परतून येना
- गेल्लेली बुद्धी हस्तेन ओडिल्यारीय परतून मेळन्ना
- गेल्लोलो मानु परत येना, भेतिल्लें माणिक सम जायना
- गेल्लोलो वेळु हस्तीन वोडिल्यारीय येवन्ना
- गोडा गुळियेक फाटि पोट ना
- गोडा भरणेंतु हातु घाल्यार लेवनातिल्लो आसा वे
- गोडा लागी मूय, म्होवा लागी मूस
- गोबोरांतु फुंकि मारल्यारि दोळ्यांतु पडतलो
- घर लासूचे वेळारि केळि कातरताय
- घर सान जाल्यारीय मन होड आसूका
- घरचे देवाक पूजा ना, भायरचे देवाक निवेदु
- घरचें सस्सार, दुरचें मेघाव अथवा म्हारग
- घरां भितरि वागु, घरा भायर कोल्लो
- घरां भीक, मिशियां तूप
- घर्र म्हळ्यारि घारी जायना
- घोड्याक शिंगां दीना देवु
- घोड्यारि बेसलो म्हूण खूंटु मोडूक नज
- घोणीक आनीक सर्पाक दुकोवनु सोडूनयें
- घोवा बायलेचें एक चित्त, मड्केंतु जाता शीत
- घोवालें आनी बायलेलें मन एक जाल्यारि चिंचे पानारि नीद अथवा कांडणारि नीद पडता
- घोवु मेल्याकय बोड तासिल्लें दुख चड
- चर्वेक अवसल्ली मांडि
- चांगाक गेल्ययारि आंगाक गू
- चाकरी केल्यारि भाकरी मेळता
- चानियेक रुकार चडूक शिकोंवका नाका
- चामा रूचि सूण्याक, लोखंडा रूची घोड्याक, सांखाळे रूचि हस्तेक
- चामाराले देवाक वाण्णे पूजा
- चेर्डाक ना तीन दुड्ड, उवाळनु उडोंवचाक स दुड्ड
- चेर्डूं जांगेर हागीलें म्हुण जांग कातोरचें वें
- चोरांक चांदिण्या हुसको
- चोरूक शिकल्यारि निपोंवचाकय शिकुका
- जांवय आयला राती, मांयचे तोणांतु माती
- जातलें जड, व्हांवतलें बोड, पायांक कसले जाळ
- जेवणा खाणाक माका आपय, दंदाक बांदाक तुका
- जेवनु बेसल्या लागी जांवका उंडी मागूक
- जेवलेल्यांक भूक चडि, न्हालेल्यांक चिकोलु चडु
- जोरल्याक मीशी रिगयल्यारि पूरो
- तटिये बागिलाक पितळी बीग
- तळें राकतल्लो उदकाक मरना
- तळ्यांतु बुडल्लो शेळ्याक तांय धरता
- ताणताणे खोणच्या फोंडांतु ताणताणे पडचें
- ताळियो वाजूक दोनि हात जाय
- ताळूव विसोरनु तेल दवरूक नज
- तीळु खावनु व्रत भष्टलें
- तीळु सुकता तेलाक, लेंडि सुकता कित्याक
- तुस्सु कांडून हाताक फोडु
- तृप्ति आसचें महाभाग्य
- तेंकडेन म्होवु काडल्यारि तोणांतु पडचो ना
- थळथळेंवचें सग भांगार न्हय
- थू करूकय जायना, गीळूकय जायना
- दांत आसतना चोणे खांवचे
- दान दिंवचे गायक दांत मेजप ना
- दामाचेच लागी दामु होळता
- दामु आशिल्याक मानु
- दामु आशिल्याक सोयरे चड
- दायी आसतना कोणेय हातु लासप आसा वे
- दिंवचें ससार, घेंवचें कठिन
- दिवले मूळांतु काळूकु
- दिवोडु वता म्होण गांयडळान गेल्यारि वोतांतु करपुन वतलो
- दीवो आपण जळता, दुशेर्यांक उजवाडु दिता
- दीस काडूक वाट ना जाल्यारीय मिश्येक तूप
- दीस सगळोच उदक शिंपून सांज जातरि कोळसो भेतप
- दुडवांवेल्यान घोणी सरी उबची ना
- दुड्ड आसा जाल्यार गुड्डो हालोवयात
- दुड्डु आसा जाल्यारि भय
- दुड्डु दवरि बांदूनु, तो वता सुंटूनु
- दुड्डु म्हळ्यारि प्रेत सरी तोंड आं करता
- दुदान जीब लासतची ताक फुंकून पिता
- दुसर्यां खातीरि फोंडु खोळ्ळो, आपण पाय निसोरनु पडलो
- दूरा आशिल्ले मित्रां पशी लागी आशिल्लो शत्रूच उपकाराक पांवचो
- दूरा आसतना डोंगोरु लानु
- देर्ल अथवा घरचे मोगरेक पोरमोळु ऊणे
- देवान दिल्लें कर्मान व्हेल्लें
- देवान सोडलेले मारीक मनुष्याचान चांग करूक जायत वे
- दोगा शिवाय लडाय ना
- दोगांचे झगड्यांतु तिसर्याक गूणु
- दोनि घरचे सोयर्याक दोनीय घरकडे जेवण ना
- दोळ्यार आयिल्लें भोवरेरि गेल्लें
- धन ना जाल्यारीय रीण नाका
- धनाक पाकां आसाय
- धनियान चाकराक सांगलें, चाकरान सूण्याक सांगलें, सूण्यान बाल्लाक (शेंपूडाक) सांगलें
- धर्मा गायचे दांत चोवप ना
- धवें आशिल्लें पूरा दूद न्हय
- धवें कारातें भितरि कोडु
- धा जाणाली आवसु काट्यारि
- धोत्र व्हड जाल्यारीय गोत्र व्हड जायत वे
- नज जालेल्यानी वाडल्यारि मीट तांय अळ्ळीं
- नरकाक णव वाटो, सोर्गाक एकीच
- नवें कापड हाडचे फूडे पोरणें रांदणींतु घालें
- नांका पशी व्हड मोतीं
- नांचूक कळना जाल्यार आंगण वांकूडें
- नांव व्होड, करणी सानी
- निदेल्लें माजर विंदराक धरीत वे
- निरपराधीक भय ना
- निशें दिकुनातिल्यान कुय्यां दिकीलीं
- निश्यांतु मुगूळ (पाकें) दिकूक येता जाल्यारीय पदवेक ऊणावु ना
- नेणतल्याक भूत, जाणतल्याक सूत
- पातळ गूवांतु फातोरु मारूनयें
- पाप्यान गेल्लेले कडे पाताळ अथवा पापीन गेल्लेले कडे पावल भरि उदाक
- पाया कांटो काडूक कूराडी कित्याक
- पालकेंतु बेसून भीक मागप
- पाळ राबून न्हाण चमकुन्ना
- पिंड रचिल्लो देवु उंडी रचिना वे
- पूतु मेल्यारीय सुनेन रांड जांवका
- पोंगीरो पोटोन धरनु आंगाक कांटे
- पोट भरलेले ब्रामणाक धंय्यांतु फातोरु
- पोटाक ना म्हुण सुंगट भाजून खावप ना
- पोडगो तापल्ले वेळारि रोंटी भाजून काडका
- प्रयत्न करनस्तना प्रारब्धाक रडूनयें
- फटियेक गेल्यारि कर्टें लाभु
- फपळ होंटींतु दवरयात, माडी दवरूक जाता वे
- फाटीर देवु बेसलो म्हुण गाडवाक गर्व
- फाटीर मारल्यारीय पोटारि मारूनयें
- फातोरु पुजीलो देवु जालो
- फाय मरतलो म्हुण आजि फोंडु खोणप आसा वे
- फुटल्लो कोळसो केन्ना जोडना
- फुल्लेल्या फुलाक पोरमोळु येवनातिल्लें राबत वे?
- बड्डी मारनु घे म्हळ्यार जांवचें वे
- बड्डी मोळ्यारि(मोडल्यारि) दोरियेन बांदचें, मन मोळ्यारि कित्यान बांदचें
- बरपडेचे बामणाक तेरपडेची बायल अथवा बारा पोडीचे बामणाक तेरा पोडीची बायल
- बांयचें तोंड धांपुयात, न्हंयचें बांदूक जावन्ना
- बांयतूले बेब्याक बांयीची ब्रमांड
- बायल जाल्यारि पायांक संकाळ, चेरडुं जाल्यारि तोंडांतु माती
- बायलो आनी मात्ये कोळसे समची
- बींयां तकीत झाड, झाडा तकीत फळ
- बींयांचो गूण किरलेतरि कळता
- बुदवंताक सोदुका जाता, पिशे खंयीच मेळताय
- बुद्धि आशिल्याक भांगार अथवा भांडार कित्याक
- बेट्टो अच्चारी बेसून जांग(वा गोट्टे वा गांडि) ताशीता
- बेसून जातरि पाय नीट करका
- भरलोलो कळसो चकुंदळेना
- भांगरा सूव आसा जाल्यारीय लोकंडा सूव जाय जातली
- भांगरा सूव म्हुण आठोवनु पोटांतु चडोंवचाक जातलें वे
- भांगार तुकूचे कडे माजरा कसलें कायरीं
- भात कांडूक नग्गू, खीरि खांवचाक जग्गू
- भायर व्होड, भितरि पेड
- भायरच्यान गाय, भितरि वागु
- भूज झरय, जीब लळय
- मंत्रतंत्र भटु जाण, खावंचें जेवंचें हांव जाण
- मद्य घरांतु रिगल्यारि बुद्धि घर सोणु (सोडून) वतली
- मनांतु स्थायु आसा जाल्यारि मोंचुवारि स्थायु आसतलो
- मनांतुलें मनांतु, जनांतुलें जनांतु, तुळसी दळ कानांतु
- मनुष्यालें जीवित उदकांतुलें फुगूट
- मरतलो म्हुण मषणांतु वचून पडप आसा वे
- मळब तुंटून पडूक वता म्हुण ताका खांदु दिंवचाक जातलें वे
- मांचो अथवा खाटलो सानु जाल्यारीय खूर चारीच
- मांडो खावंचे कालाक कुंडो खेल्लोलो उडगास आसूका
- मांय सून झगोणु शितांतु रेंव
- मांयचेरि कोपुनु चेरडक पेट्ट
- मागल्यान चोवनु जावंका मुकारि वचाक
- माजरा भाग्यान शिक्या पोडु तुंटलो
- माजरा सट्टी धरनु सूण्या बारसो तांय सोदूचें
- माडियेक आनी माड्याक एक खाडूं अवसुन्ना
- माड्या मूणांतु दूद पिल्यारीय सूरु म्हणतलीं
- मात्यावेलें वजें खांद्यार पावलें
- माळपैमामाक अजीर्ण, गांवांतु पेजे जेवण
- मिश्येक ना खोबरेल, खाडाक खंचें मोगरेल
- मीट खेलोलो उदाक पितलो
- मुकारि चोयनातिल्लो मागशी पडता
- मूर्ति सानि जाल्यारीय कीर्ति व्होडि
- मेळता तशी आशा चडि
- मोगा चेरडाक पाय वांकडे
- मोरनु गेल्लेल्यांचें जातक कोणे वाचप ना
- मोरु नांचता म्हुण कुंकडय नांचता
- मोवु आशिल्ले कडेच खोरें लागतलें
- रडचे चेरडाक दूद आसा
- रांदूक कळना जाल्यारि राकूड वोल्लें
- रानांतु गेल्यारि वागा भय, घरां आयल्यारि बायले भय
- राबून मुतूचे गृहस्ताक धांवतना मुतूचो पुरोगित
- रामनाम जपीता, केस्सान गळो कातरता
- रामेश्वराक गेल्यारीय शनीश्वर सोणा (सोडना)
- रायाचे तकित जनपद
- रायाले खांड्याक दोनीय तांतु धार
- रितें कोळस्याक व्होडलो सोवदु
- रीण केल्यारि घाण्यांतु हातु दिल्या वरी
- रेंव सोणु विंदिल्यारि खालाक पोडची ना
- लजेक गेल्यारि पेजेक विग्न
- लासल्ले इंगळ्यारि तेला थेंबो
- लासल्ले मासळेक कुसल्ली चींच
- वयजीणी कडे पोट निपोंवचें कशी
- वांजीक वेते दुकी कळत वे
- वागा पिल्लाक दुदान पोसल्यारीय स्वभावु सोणा
- वागा मिशियेरि कोल्लो खेळता
- वागाक घूडांतु घालतच कोणेय फातोरु मारयात
- वाटेन वचे वागा माका येवनु खागा
- वाडतल्यान चोवंका ना जाल्यारि जेवतल्यान चोवंका
- वानांतु पडल्यारि कांडणा पेट्ट घेवंका
- वानांतु बेसूनु कांडणा मारु चुकोवंचाक जाता वे
- वारें नातिल्लें पान हालना
- वार्यारि घालतलीं, पावळेंतु घालन्ना
- विंदुराक मारूक घराक उजो घालप ना
- शुरवे पोटपूजा, मागीर देवपूजा
- शेणांतुले कीड्याक शेणा घाणी कळना
- सगळीं बोटां एक वरी न्हय
- सगळो बुडल्यारि शीं खायना
- सत्याक केदणाय बारा वर्षां
- सत्याक नाशु वा मरण ना
- समिंद्रांतु आसा मासो, तीरार करताय ताजे वांटे
- समिंद्रु पोवनु पावल भरि उदकांतु मेल्लो
- सर्पाक दूद दिल्यारीय वीष ओंकीता अथवा वोंकीता
- ससमा येद्दें मातें, मळबा येद्दें सातें
- ससरायेचें खाण हागवणेक म्हारग
- सांगचें पुराण, खावंचें शेण
- सान सांगतले चड, करतले ऊणे
- सुन्नेक ह्या दिवाळेक त्या दिवाळेक, धूवेक ह्या शुक्रारा त्या शुक्रारा
- सूंटि नातिल्लो कषायु ना
- सूण्या माजराली सोयरीक, दिसु भरि लडाय
- सूण्या शेंपडी नळ्येंतु घाल्यारीय वांकडीच
- सूण्याक केदनाय गोबरा राशि
- सूण्याक पाट्याचें हांतूण करनु दिल्यारीय तें गोबरा राशीरि
- सूण्याक सगोळो नारलु
- सूण्याक सिंहासनारि बेसयल्यारीय गोबरा राशीच सूख
- सूण्यान सूण्यान झगोणु शितांतु रेंव
- सूव चडोंवचाक स्थायु दिल्यारि फारकोलूच चडयताय अथवा सूव खोंबूक स्थल दिल्यारि खोरें चडयताय
- सूवेन काडचें कांडणान काडका जातलें अथवा सूवेन काडूक आशिल्लें खोर्यान काडका जातलें
- हस्ती लक्कून वता, मुंबुराचें लेक करता
- हस्ती सुकली म्हुण गोट्यांतु बांदप आसा वे
- हांतूण पळोवनु पाय पातळावंचें
- हांव दिकिल्ले कोंब्याक शींगां तीनि
- हागूक जातरि वे आड्डी सोदप
- हागेलो दुड्डु कूडो जाल्यारि आंगडकाराक उलोंवका कित्याक?
- हातगूण चांग जाल्यारि हातांतु आशिल्लें भांगार
- हातांतु ना कास, ताका खंचें कैलास
- हातांतु पावनातिल्लें फूल देवाक
- हातांतु साकून पडल्यारि काडयात, तोंडांतु साकून पडल्यार काडूक जावन्ना
- हाताचे करटेक कानडी जाय वे
- हातान उबारनातिल्ली साण भांगरान बांदतच व्हांवली
- हार उडता म्हुण गांयडोळ उडता
- हुन दुदान लासल्लें माजर शेळ दूदाक भिता
- हुन्नारि हून केल्यारि काम ससार जाता
- हून उदका घोटु
- होंटींतु आसा चेडो, सोदून भोवंताय सगळो वाडो
- होळ्ळें आसा रान, हींगु बांदूक ना पान